Х...яссе!

38 ПАПУГАЯЎ

У зборніку «Беларусь у лічбах 2011» Нацыянальнага статыстычнага камітэту РБ у раздзеле «Дэмаграфічныя паказчыкі» мы знайшлі вельмі цікавую табліцу, у якой распісваюцца сярэднія паказчыкі даўжыні «нефрытавага ствала» мужчын з розных гарадоў краіны. Месцамі звесткі настолькі дзіўныя, што мы вырашылі скласці пенісаграфічную мапу Беларусі ды ўзяць да яе каментары ў антраполагаў.

Адзін важны момант: калі ты віцяблянін – лепш зачыні зараз свой браўзэр.

«Напачатку трэба сказаць, што акрамя пеніса ніводзін орган чалавека так моцна не вар'юецца ў сваіх памерах, пры гэтым захоўваючы свае функцыі. Пры сярэдняй даўжыні 15 (для еўрапеоідаў і негроідаў) і 14 (для мангалоідаў) сантыметраў сустракаюцца экземпляры ад 1 да 32 сантыметраў. І гэта афіцыйна задакументаваныя выпадкі».

«Навуковыя эксперыменты паказалі, што ў тых самцоў, якім не трэба змагацца за інтарэс самкі, пеніс вырастае на 10–15 % карацейшым за нармальны. Як вядома, колькасць жанчын у Віцебску значна перавышае колькасць мужчын, і з цягам часу адсутнасць канкурэнцыі паміж самцамі прывяла да такіх нізкіх паказчыкаў».

«Са Старымі дарогамі яшчэ гадоў 20 таму сітуацыя была зусім іншая. Але пасля таго як там сталі гнаць вельмі шмат самагону, сексуальны інстынкт страціў сваю сілу, а разам з ім скарацілася і даўжыня. Нажаль, улада гарэлкі значна мацнейшая за ўладу цыцак».

«Скідаль – горад з самым вялікім спажываннем цукру на душу насельніцтва. А цукар, як вядома, раз'ядае, разбурае, размякчае якія заўгодна органы».

«Наваградак паціху страчвае свае пазіцыі на пенісаграфічнай мапе ўжо цягам 25 гадоў. Віной таму дажджлівасць рэгіёну. А апошнія 25 гадоў дажджы ідуць то кіслотныя, то радыеактыўныя».

«Іўе, можа, магло б трапіць і ў лідары. Але значную частку яго насельніцтва складаюць татары, якія і "пакарацілі" ўсю статыстыку».

«З Бараўлянамі ўвогуле дзіўная гісторыя. Насамрэч яны нічым не выдзяляюцца. Але жыве там адзін мужык, яго так і завуць – Мікола Бараўлянскі. Вось ён сваім фенаменальным апаратам і выцягнуў сярэдні паказчык на самы верх».

«У Целяханах даўно ўжо вырабляюць лыжы, і генатып насельніцтва змяняецца ў адпаведным кірунку. Людзі там ўвогуле тонкія і даўгія, а пенісы – тым больш».