Еўратрып

38 ПАПУГАЯЎ

Тыя, хто зрываў тэлефонныя лініі, пахваляючыся ўсім запар, што атрымаў шэнгенскую візу, могуць зрабіць гэта яшчэ раз. Нагода ёсць: з красавіка “Ўізэйр”, а з траўня “Раянэйр” пачынаюць за капейкі перавозіць вашыя целы з Вільні ў шмат якія еўрапейскія гарады. Для тых, хто не зразумеў: дабрацца да Вільні – не даражэй, чым да Горадні. А значыць, Дублін, Мілан, Барселона, Лондан і Рым сталі бліжэй за самае блізкае замежжа. Мы сабралі інфу пра самыя танныя пералёты і вельмі даходліва параўналі іх кошты з коштамі некаторых менскіх задавальненняў. Атрымалася, што за ўік-энд ты лёгка прасіраеш неблагі трып.

Дарэчы, лоўкосты з Каўнасу і Варшавы таксама ніхто не адмяняў. Дый з Кіева і Львова можна лятаць. Немцы, праўда, навыдумвалі нейкіх там законаў, таму адзіны маршрут, які знікне з таннай мапы ў сакавіку, – Германія.

P.S.: прыведзеныя кошты - самыя нізкія з магчымых. На іншыя дні і з набліжэннем даты вылету яны могуць змяняцца.