«Дровы» па-польску. Анталогія

ХОДЗІМ ПА ДРОВЫ

Гэта анталогія “Ходзім па дровы. Poland Edition”. Самыя андэграўндавыя і трэндавыя варшаўскія шынкі ў адным месцы. Шэсць дзён – шэсць кропак. І наш нязменны алкагольны Харон aka НеБрежнев.

Кропка № 1: “Chłodna 25”
Перш-наперш НеБрежнев заглянуў у бар “Chłodna 25”, дзе, па чутках, здзяйсняецца тайны IQ-кантроль. Месца для маладой і борзай варшаўскай інтэлігенцыі і тых, хто проста хоча кульнуць стопку гарэлкі з лімонным сокам.

Кропка № 2: “Szczotki Pędzle”
У сціплы non-alcohol-бар “Szczotki Pędzle” НеБрежнев накіраваўся на другі дзень, каб адпаіць сябе фрэшамі і пагуляць у “Кучку малу” (вядомую ў народзе пад назваю “Порнаферма”). Працяг “Польскіх тыдняў” на 34mag.net глядзі далей.

Кропка № 3: “Lorelei”
У варшаўскім фрыстайл-бары “Lorelei” з 5-й да 6-й вечара агромністы жбан піваса каштуе ўсяго 5 злотых! Роўна без пяці пятая НеБрежнев пераступіў парог гэтага культавага месца з 50 злотымі ў кішэні. У межах эстафеты “дрынк ту сурвайв” глядзі трэці ролік “Дроваў” польскага разліву.

Кропка № 4: “Powiększenie”
У варшаўскім бары “Powiększenie” могуць зрабіць далікатную “Пінакаладу”, нават калі ты яе і не замаўляў. Любы набор гукаў кліента бармены шынка могуць пераўтварыць у складаны і незвычайны кактэйль. Глядзі далей чацвёрты ролік польскіх “Дроваў”.

Кропка № 5: “Sklep z kanapkami”
І можа быць, мы вас задралі “Польскімі тыднямі”, аднак жыццё ёсць жыццё... Сайт запусціўся, а матэрыялаў пакуль няма. Але мы над гэтым працуем. Таму чарговыя будні пад грыфам “Дроваў”! Мы завісаем ва ўтульным варшаўскім месцы “Sklep z kanapkami”. Безалкагольным, але лірычным. І чакаем, што будзе далей...

Кропка № 6: “Miotła”
Сёння вы пабачыце апошняе выданне “Дроваў” польскага сезону. Самае смачнае НеБрежнев прыбярог для фіналу. Дзіка атмасферны салун “Miotła”, які месціцца ў модным варшаўскім раёне Прага, даўно набыў статус культавага месца. Трапіць сюды можна толькі па знаёмстве і толькі тут на канапе побач з вамі можа абасцацца сапраўдны трусік.