- ЧЫТАЦЬ ПА-БЕЛАРУСКУBEL
- READ IN ENGLISHENG
Спецыяльна для цябе – бойкі дэбютны рэліз менскага эксперыментальнага гурта The Yankees of Moor: шэсць трэкаў, вытрыманых у канцэпцыі рок-н-ролу і ўсяго, што з ім працуе. Пампуй бясплатную раздачу і вяртайся да каранёў ды дрэваў, якія былі вялікімі.
У гурце The Yankees of Moor усё туга замешана на імправізацыі і зборцы ўласнай ідэйна-жанравай аплікацыі. Назва бэнду нарадзілася з літаральнага перакладу на ангельскую мову насценнай шыльды з вуліцы Янкі Маўра, што вельмі добра адпавядае творчаму настрою калектыву, які так любіць гульню сэнсаў і бессэнсоўнасцяў. Акрамя трох класічных музыкаў, у складзе каманды прапісаны таксама Джэк – хлопец, які адказвае за дзікі танцавальны сапорт падчас жывых выступаў, таму што ўсе павінны рухацца і ніхто не застанецца ў спакоі. Дэбютная праца The Yankees of Moor – гэта зграя размаітых, поўных першабытнага жыцця рок-н-рольных істот, якія, нягледзячы на свой уласны характар і тэмперамент, імпэтна і мэтанакіравана цягнуць агульную запрэжку ў патрэбным кірунку.
The Yankees of Moor выказваюць падзяку Уладу Палуночнаму за запіс матэрыялу, Паўлу Кульгіну за ўдзел у агульнай працы і Ганне Катоўскай за аказаную дапамогу.
Look! We’ve prepared a perky debut release of Minsk experimental band The Yankees of Moor: six tracks designed in a concept of rock and roll and everything that works with it. Download it for free and go back to the roots and trees that used to be big. (here is an allusion to a famous Soviet movie “When the Trees used to be Big”. The phrase means the period of childhood, as when you were a kid, everything seemed to be bigger).
![Around Belarus [OST]](/piarshak/media/posts/59492123b4574-440riski-cover.png)
