Прэзентацыя сінгла: Ana Zhdanova – Znichka

Аня Жданава пра сінгл:

– «Знічка» доўгі час ляжала ў мяне дзесьці ў галаве, але, як гэта часта бывае, суцэльны пазл склаўся толькі праз гады. Аднойчы я паказала напрацоўку песні сяброўцы і патлумачыла сэнс: «Калі мы паміраем, мы становімся зоркамі і ззяем зверху». На што яна распавяла гісторыю пра тое, што, кажуць, быццам у свеце насамрэч столькі ж зорак, колькі людзей, якія за ўвесь час жылі на Зямлі. У мяне пабеглі мурашкі…

У песні шмат сэмплаў, якія я знайшла выпадкова. Часам сядзіш дзень, каб правільную бочку знайсці, – і раптам шанцуе. Часам зляталі ўсе наладкі інструментаў. Карацей, усё было вельмі эмацыйна.

Пісаць па-беларуску для мяне – задача. Па-першае, таму што з гэтым пытаннем пастаянна прыстаюць. Па-другое, я запытвалася ў самой сябе: ці магу я? Ці магу зрабіць гэта настолькі цікава, каб паказаць замежніку і сказаць: «Лук эт зэт, гэта мая родная мова, яна вельмі прыгожая, на, паслухай!» Мне хочацца, каб да беларускай мовы адносіліся больш трапятліва. Гэта такая шурпатая, але меладычная мова, словы на якой выклікаюць у мяне экстаз. Я калекцыянавала іх і некаторыя дадала ў песню.

Спачатку я не ведала, што рабіць са «Знічкай», а пасля напісала Дзіму (стваральніку CherryVata і лэйбла Ezhevika. – 34mag). Яму трэк спадабаўся – Дзіма прапанаваў сябрам лэйбла зрабіць рэміксы, а таксама напісаў свой. Так атрымаўся невялікі музычны букет з удзелам Diamos Roll, Marmi і Kosmonavt.

 «Знічка» ў сеціве: 

Fanlink     Плэйліст у VK

Па словах Ані, у яе ўжо гатовы другі альбом, які яна актыўна дапрацоўвае. Лаві Жданаву жыўцом на Freaky Summer Party 28 ліпеня, а таксама сачы ў сацсетках за новымі выступамі.

  Ana Zhdanova ў сеціве:

VK     Facebook    Soundcloud    Apple Music   Deezer   «Яндекс Музыка»