Мацэвы штодзённага ўжытку

Нацыянальны гістарычны музей

10 лютага (пятніца), 11:00

Выстава “Мацэвы штодзённага ўжытку”

Мацэва* – надмагільны камень на габрэйскіх могілках.

Да 23 лютага ў Нацыянальным гістарычным музеі экспануецца фотапраект “Мацэвы штодзённага ўжытку” сучаснага польскага фатографа Лукаша Баксіка. Выстава распавядае пра лёс габрэйскіх могілак у Польшчы падчас і пасля Другой сусветнай вайны.

Выстава падымае пытанне памяці, самасвядомасці і адказнасці асобы, шукае карані стаўлення сучаснага грамадства да захавання культурнай спадчыны на самым вострым прыкладзе – габрэйскіх могілках.

“Мацэвы штодзённага ўжытку” дэманстраваліся ў Цэнтры сучаснага мастацтва Замак Уяздоўскі ў Варшаве і на Фестывалі габрэйскай культуры ў Кракаве. Адкрыццё выставы суправаджалася дыскусіяй з удзелам прафесара, антраполага культуры, Яанны Такарскай-Бакір, якая доўгі час даследавала карані антысемітызму ў ваколіцах польскага горада  Сандамір.

Арганізатары: Арганізацыя Габрэйскі гістарычны інстытут у Польшчы, Нацыянальны гістарычны музей РБ, Польскі Інстытут у Мінску, Музей гісторыі польскіх габрэяў.

Час працы Нацыянальнага гістарычнага музея:

11.00-19.00, выхадны – панядзелак.

Адрас: Мінск, вул. К. Маркса, 12

Болей на старонцы праекта “Віртуальны Штэтл”: http://www.sztetl.org.pl/be/article/minsk/19,-/33659,-/