topic!

Калі ты недастаткова брыдкі для надыходзячага сьвята, гэта трэба тэрмінова выправіць! Нестандартныя ідэі дызайнэраў...

... у дапамогу простым сьмяротным, што маюць намер зьляцецца на шабаш у ноч з 31 кастрычніка на 1 лістапада.

Маскай а-ля “Крык” сёньня можна зьдзівіць і напужаць хіба што немаўля. Чортавы рожкі, капыты і хвасты – ну, гэта ўжо зусім несур’ёзна! Be creative!

Працы галяндзкай дызайнэркі Johanna Schweizer могуць натхніць цябе на стварэньне чагосьці жахліва-калярова-паветранага. Джоана вяжа чарапушкі і маскі дзівосных істотаў. Такая вось хэндмэйд-жудасьць!

Варыянт строю для асобаў мужчынскага полу...

Мікс з міталягічных алюзій і начных кашмараў. Праца пад назвай “Анёл”.

Запалі ноч у строі зомбіпадобнай андрагіннай істоты!

Аматарам бруталу раім зьвярнуцца за ідэямі да дызайнэра Алега Пятрова  http://bob-basset.livejournal.com. Ён працуе са скурай і вырабляе маскі драконаў і змрочных пачвараў.

З такой маскай можна ўвасобіцца ў ваяўнічага слана ці аднарога, альбо стварыць вобраз мілага белага дракона.

Аддаючы даніну модзе на інфэрнальных трусікаў, варта адзначыць актуальнасьць такога строю.

На фота – зусім не фанаты Юры Дземідовіча, а паказ калекцыі вопраткі ад дызайнэра Кацуакі Такасіма на тыдні моды ў Токіё.

Як варыянт для лайдакоў – маскіроўка пад чэрап. Фрэнк з Манрэалю зрабіў татуху на твары і ператварыў сваё жыцьцё ў Хэлаўін-круглы-год! Выглядае даволі пачварна! Выбіваць татуіроўкі дзеля адной вечарыны – гэта ўжо занадта, але калі скарыстаць ідэю ў якасьці фэйс-арту, можа атрымацца вельмі ўразьліва!