topic!

У інтэрнэтах зьявілася крама, якая прадае цацкі з вашых жахаў.

Чалавек, які хаваецца пад нікам amydecaro, робіць самыя нестандартныя цацкі ў сьвеце. Ён стварыў інтэрнэт-краму на сайце Etsy, дзе і прадае гэтыя жахі. Цацкі робяцца ўласнымі рукамі і таму зьяўляюцца эксклюзіўнымі.

Першае, на што трапляе погляд ў краме, гэта чароўны злы трусік Клайд.

Як тлумачыць яго стваральнік, Клайд злы, таму што нехта скраў у яго моркву. Ён ня ведае, хто гэта зрабіў, і бярэ справу ў свае рукі – а, дакладней, кіпцюры.

Ні ў якім разе нельга дарыць такога трусіка дзецям, інакш дзіценак стане такі ж злы, як і цацка.

Эбі – гэта сумная готка, зь якой ніхто не жадае танчыць ў гот-клюбе. А яшчэ ўсю яе любімую музыку нехта выдаліў з iTunes. Тое, што адбываецца ў яе ўнутры, можа прывесьці да суіцыду – так апісвае аўтар сваю цацку. Можа новы ўладальнік выратуе яе?

Калі б ў Мэрыліна Мэнсана была сястра, магчыма, яна б так і выглядала.

Лары адсядзеў за кратамі больш за 20 год, але цяпер ён выправіўся і просіць прабачэньня. Ён хоча, каб яго выцягнулі з турмы і забралі ў новы дом, дзе яго будуць любіць. Лары любіць гуляць у скрабл па выходных і шукае кампаньёна. Можа, гэта будзеш ты?

Тэд быў апрануты у сьмірыцельную кашулю, таму што аднойчы ён звар’яцеў. Ён вельмі засмучаны, але спрабуе схаваць гэта.

Такім чынам, мы маем вар'ята, зэка, готку і агрэсіўнага трусіка – яшчэ той набор цацак! Аўтар пастаянна стварае нешта новае, таму варта пэрыядычна наведавацца ў яго краму.

Усе трэнды тут