topic!

Прэзэнтаваны ў офлайне ў менскай галерэі “Ў” яшчэ 25 верасьня, кліп гурта “Разьбітае Сэрца Пацана” “Wall-e”, дзякуючы свайму скандальнаму відэашэрагу, ужо набыў статус культурнага must see. Аднак сэрвіс Youtube, які належыць кампаніі Google, мала хваляваўся наконт экспэрымэнтальных мастацкіх вартасьцяў кліпу, і літаральна празь некалькі гадзін ратацыі відэа было зьнятае са спасылкай на “парушэньне правілаў карыстаньня”. Нямногім больш шэдэўр пратрымаўся на сэрвісе Vimeo.

Неабазнаныя гледачы могуць вырашыць, што адзіная выбітнасьць гэтага відэа - аголеныя саромныя часткі целаў музыкаў. Але на гэта мы раім зьвярнуць увагу ў апошнюю чаргу. Кліп зьняты адным плянам (бяз мантажу!) на фотаапарат Canon 5D mark II за адную ноч у хатцы на ўскрайку Менску. Акрамя саміх удзельнікаў гурта, у гэтым відэа "ва ўсёй красе" зьняўся культавы ў музычных колах гукарэжысэр Андрэй Жукаў. Паказальна: за некалькі начных гадзінаў, што кліп правісеў на Youtube, яго праглядзелі каля 200 карыстальнікаў. Агулам, з часу эксклюзіўнай прэм’еры на нашым сайце, кліп убачыла больш за 10 000 чалавек!

РАЗЬБІТАЕ СЭРЦА ПАЦАНА - WALL-E (2009)

Рэжысэр - Макс Сіры

Апэратар - Паліна Казыбаева

Харэаграфія - Марына Юрэвіч

Бодзі-арт - Дзяніс Волкаў

Кліп можна спампаваць тут (тыцкаць у вялікую белую кнопку "Download", пачакаць некалькі сэкундаў, а потым зноў тыцнуць).

А вось тут ляжыць песенька + майспэйс.

P.S. Калі добра зайшло, раім зацаніць дзьве новыя англамоўныя песьні “Разьбітых Пацаноў”. Гэтыя трэкі напачатку кастрычніка трапілі ў ратацыю каліфарнійскага (!!!) “Calarts Radio”. Эксклюз, толькі на 34mag.net!

Спампаваць песьні: RSP - Sinus Kosinus, RSP - Broken Heart