topic!

Як толькі стала цяплей, натоўпы людзей вылезлі з душных аўто і селі на сваіх сяброў з двума коламі. Але пакуль аматары роварнага руху асвойваюць новыя шляхі і з імпэтам распавядаюць пра перавагі свайго экалагічнага транспарту, іх ворагі-роварафобы ахоўваюць высокія бардзюры і выступаюць супраць роварных парковак. Чаму двуногія на дух не пераносяць двуколавых, мы запыталіся ў прыхільніка роварнага транспарту Паўла.

Наслухаўшыся казак пра жорсткіх роварафобаў, мы вырашылі, што прыйшоў час пабачыць іх у твар. Паставілі байсікл пад адной з роварафобскіх шыльдаў, якая вісіць каля ўвахода ў Лінгвістычны універсітэт, і сталі чакаць, пакуль каго-небудзь ахопіць прыступ фобіі.

Літаральна праз некалькі секунд мы пабачылі тых, каго чакалі. Здымацца падчас прыступу яны катэгарычна адмовіліся і на нашыя пытаньні адказваць таксама не пагадзіліся. "Пешшу трэба хадзіць!" - пракрычалі нам яны, паказалі на шыльду  і зніклі ў невядомасць. А шкада, бо мы так спадзяваліся пачуць ад іх гісторыі пра дзіцячыя роваратраўмы ці хто-ведае-што-яшчэ. Магчыма, вам пашанцуе з імі больш. І, дарэчы, распавядзіце нам усю праўду: вы самі роварафоб, ці роварафіл? І чаму?