topic!

Калі б Дэвід Блэйн быў маладзейшы і толькі выбіраў бы кім быць, ён бы стопудова завіс па такой штуцы, як фінгерборд. Катацца на скейтах памерам з падвесак – мастацтва не менш віртуознае, чым вулічная магія. Лоўкасць пальцаў і веданне законаў фізікі ператвараюць катанне на паменшаных копіях арыгінальных дошак у крутое шоў.

 У гэтую суботу ў Жодзіна адбыўся другі беларускі фінгерборд-кантэст і сабраў усяго толькі дзевяць удзельнікаў з Менска і Жодзіна. Але тусоўка атрымалася якаснай: маладыя экстрымалы на дошках усіх памераў каўбасілі пад жорсткі драм няхілыя трукі, якія нічым не адрознівался ад сапраўдных скейцерскіх. Глядзі рэпорт з міні-скейтпарка, размінай пальцы і лаві натхненне ад майстэрства чэмпіёна, Мішы “Панды”.

Дарэчы, упершыню беларускі чэпм па вельмі маладым і малавядомым у нас відзе спорта зладзілі ў лістападзе мазырскія скейцеры. Гістарычныя кадры з таго дня можаш паглядець тут на відэа і фота.