topic!

10 траўня ў  сталічным кінатэатры "Перамога", у меццы кінаманаў, адбылося адкрыццё міжнароднага еўрапейскага кінафэсту разам з выставай беларускіх фатографаў "Еўропа нашымі вачыма". На фестывалі пакажуць кінастужкі з 17 краінаў.

Карацей, Еўропа прызямлілася ў Перамозе! І пасялілася тут ажно да 17 траўня, таму спяшайцеся: хоць і ўваход на ўсе кінастужкі на халяву, але ж усё адно па квітках. А вось як раз яны і разыходзяцца, як гарачыя піражкі, па схеме з сёння на сёння – памятаем, ведаем, як гэта было ў першы раз: чэргі ажно з дзвярэй кінатэатра пачыналіся, калі не далей. Квіткі на фільмы раздаюцца штодня з 17:30.

ПРАГРАМА КІНАПАКАЗАЎ

Мінск, Кінатэатр "Перамога"

10 траўня, панядзелак

18:30 – «Рака  жыцця» (Ігар Бышнёў), 52 хв., Беларусь.

21:00 – «Ідыёт»  (П'ер Леон, 2008 г.), 61 хв., Францыя.

11 траўня, аўторак

18:30 – «Пламя  і Цытрон» (Олэ Крысціян Мэдсен, 2008 г.), 130 хв., Данія.

21:00 – «Ікота»  (Георгі Палфі, 2002 г.), 75 хв., Венгрыя.

12 траўня, серада

18:30 – «Абаронцы  Рыгі» (Айгарс Граўба, 2007 г.), 118 хв., Латвія.

21:00 – «Партніхі» (Людміл Тодараў, 2007 г.), 83 хв., Балгарыя.

13 траўня, чацвер

18:30 – «Георг»  (Пэтэр Сімм, 2007 г.), 104 хв., Эстонія.

21:00 – «Аір»  (Анджэй Вайда, 2009 г.), 83 хв., Польшча.

14 траўня, пятніца

18:30 – «Слёзы  красавіка» (Аку Лоухіміес, 2008 г.), 109 хв., Фінляндыя.

21:00 – «Перад  вяртаннем на Зямлю» (Арунас Матэліс, 2005 г.), 52 хв., Літва.

15 траўня, субота

18:30 – «Букет»  (Францішак Брабец, 2000 г.), 81 хв., Чэхія.

21:00 – «Сонечная  алея» (Леандэр Хаўсман, 1999 г.), 90 хв., Нямеччына.

16 траўня, нядзеля

14:00 – «Камарыная  гісторыя / Танцор і веласіпедыстка»  (анімацыя), 2007 г., 75 хв., Данія.

18:30 – «Дазволь  мне ўвайсці» (Томас Альфрэдсан, 2008 г.), 114 хв., Швецыя.

21:00 – «Лінія  фронту» (Дэвід Глісон, 2006 г.), 95 хв., Ірландыя.

17 траўня, панядзелак

18:30 – «Шэрлак  Холмс» (Гай Рычы, 2009 г.), 134 хв., Вялікабрытанія.

21:00 – «Ваеннае  рамяство» (Эрмана Олмі, 2001 г.), 100 хв., Італія.

Праграма для  Магілёва і Бабруйска тут.

Наша ІМХО: беларускі фільм "Рака жыцця" быў, як мінімум, элэсдэшны на фоне таго, што заяўлена ў праграме ад іншых краін. Напрацягу ўсяго фільма, удзельніка ад Беларусі, стваралася ўражанне, што нашы рэжысёры баяцца падымаць хоць мала-мальскі важныя жыццёвыя тэмы і замест гэтага імкнуцца да нейкіх рэфлексій, самакапанняў, і адзіная праблема, якую МОЖНА падняць без небяспекі – гэта экалогія. У выніку гледачы амаль гадзіну глядзелі на птушачак, рэчачкі, слімачкоў, кветкі і слухалі закадравы голас, запісаны пасрэднай апаратурай. Напрошваецца пытанне: “ЗачЭм?!” Беларускія аматары здымаюць нашмат лепшае D.I.Y.-відэа, ужо мы гэта добра ведаем!