topic!

Тома Хігашыдэ прыехала на месяц у Беларусь перад заканчэннем універа Васэда ў Токіо, дзе яна вучыла рускую літаратуру. Як? А яна проста запаліла на рускамоўным спіч-конкурсе, дзе прызам было падарожжа і месяц вучобы ў любым універы любой краіны на выбар. Тома выбрала Беларусь, бо ўжо год вучылася ў Масковіі, і ехаць туды зноў было нецікава.

Тома: "Мінск – ціхі, спакойны, чысты гарадок у параўнанні з Токіо. Вельмі мала сонца (як вы тут жывяце?!), хацелася б вярнуцца сюды ўлетку, бо ў халодны сезон тут пастаянна хочацца спаць – усе японцы вельмі чуллівыя да атмасфернага ціску."

Паразмаўлялі – трэба і пад'есці. Тома выбрала нацынальныя і самыя распаўсюджаныя для Японіі стравы, каб зацаніць, наколькі яны адпавядаюць арыгінальным аналагам. Мы замовілі традыцыйны салат ("У Японіі яго ядуць на Новы Год!"), місо-суп, традыцыйны сэт сушы і мяса ласося, смажанае ў салодкім соевым соусе.

Фэйл №1. "Вам соус менш салёны ці больш салёны?"
Ветлівая афіцыянтка пацікавілася ў японскай госці і яе беларускіх сяброў: ім прынесці "больш салёны" соевы соўс ці "менш салёны". Насамрэч, вядома, што не бывае соусу менш ці больш салёнага: "менш салёны" соус – гэта соус, разбаўлены вадой.

Фэйл №2. Тома: "Тут – вельмі звычайна"
Тома: "Нічога супер-пупер я навокал не бачу. Выглядае, як рэстаран сярэдняга класа. У Японіі ёсць рэстараны больш высокага класа з больш вытанчаным інтэр'ерам. Тут дастаткова высокі цэннік, і для такога ранга рэстарана магло быць унутры і лепей. Калі б японец плаціў такі кошт, ён бы чакаў ад рэстарана большага. Але абслугоўванне добрае, падобнае да японскага."

Фэйл №3. Салацік Намасу.
Арыгінальна робіцца з морквы, рэдзькі дайкон і запраўляецца соевым і кунжутным алеямі.
Каштуе каля 2 $, што танней, чым у Японіі.

Фэйл №4. Суп Місо Шыру: на фотцы ў меню ў супе памідоры... А іх там быць не павінна!
Гэты традыцыйны японскі суп ( робіцца з тофу, водарасцяў, грыбоў намэко, зялёнай цыбулі) можна есці нават вельмі часта, разы 3 на дзень.

Каштуе 3760 BYR, гэтак жа, як і ў Японіі.

Фэйл №5 Суп з лыжкай?!

Фэйл №6. Няма падстаўкі пад палачкі

СУШЫ. Мы замовілі традыцыйны набор сушы: з тунцом, з амлетам, з крэветкай і з кальмарам.

Каментарыі Тома:

Магура сушы (з тунцом) 10.640

Нігеры сушы з амлетам 850 (!)

Нігеры сушы з крэветкай 5400

Нігеры сушы з кальмарам 7250

У Японіі ўсе гэтыя сушы каштуюць 0,5 (у танных кавярнях) – 1 $ (у рэстаранах) за штуку. У тым ліку і тыя, што з амлетам!

Прыйшла чарга і ласося з соусам кірыякі.
Кошт: 36.000 (у Японіі – у тры разы танней! Тома: "Калі б ён у нас так каштаваў, я б яго ніколі там не ела!")

РЭЗЮМЭ (уражанні Тома пра японска-беларускую кухню):