topic!

Сёння афіцыйны твітэр “Кураж Бамбея” паведаміў сенсацыйную інфу. Аказваецца, стваральнікі “The Big Bang Theory” ў курсах пра беларускіх “Тэарэтыкаў”.

“Кураж Бамбей” просіць не распускаць на сваім форуме нюні і прапануе патрымаць свае меркаванні пры сабе. Маўляў, амерыканцы самі вырашаць, што рабіць з беларусамі. Тым часам заўчорашні пост хроснага бацькі культавай “Тэорыі вялікага выбуху” Чака Лоры прымусіць беларускі канал СТВ як мінімум задумацца над сваімі паводзінамі. 

Вось што піша Чак Лоры: 

“Беларусь - гэта маленькая краіна ў сярэдзіне кантынента побач з Расеяй, Украінай, Латвіяй, Літвой і Польшчай. Згодна з Вікіпедыяй, адзін з найбуйнейшых экспарцёраў мяса-малочнай прадукцыі. Напрошваецца пытанне, у якой страшнай форме могуць быць жывёлы ў гэтай краіне, калі ўсё, для чаго яны могуць спатрэбіцца, - гэта футравыя капелюшы і клей для шпалераў? Але ў Беларусі добра развітая прамысловая вытворчасць тэлевізараў. 

Адзін з апошніх беларускіх хітоў - камедыя пра чатырох тупых вучоных, якія жывуць побач з прыгожай бландзінкай-афіцыянткай. Галоўных герояў завуць Шэлдан, Леанард, Говард, Радж і Наташа*, і шоў называецца “Тэарэтыкі”. Кожны эпізод пачынаецца з кулямётнага мантажа выяваў, якія вядуць гледача з даўніх часоў да цяперашніх. Яны пакідаюць задумку арыгінала, але падкладаюць найгоршую за ўсю гісторыю чалавецтва поп-музыку ў якасці фонавай музыкі. І, нарэшце, кожны эпізод выглядае як расейскі пераклад эпізоду "Тэорыі Вялікага Выбуху". Калі мы паведамілі гэта прававому дэпартаменту "Warner Brosers", нам сказалі, што падаць у суд за парушэнне аўтарскіх правоў у Беларусі практычна немагчыма, бо тэлевізійная кампанія, што прадукуе гэтую копію, з'яўляецца ўласнасцю і кіруецца ўрадам Беларусі. Не маючы іншага выйсця, я спадзяюся, што тыя беларусы, якія здымаюць "Тэарэтыкаў", прачытаюць гэта, зломяцца ад пачуцця віны і дашлюць нам пару-тройку фетравых капелюшаў. Кыргызстанская версія "Дхарма & Грэг" ужа даслала нам клей для шпалераў."

***

Хутчэй за ўсё, падзеі развіваліся так: нехта запосціў на форум СBS  кляўзу на беларусаў (хутчэй за ўсё, расейскія фанаты таго ж Кураж Бамбея, бо неча таптаць святыню лапцямі!) з надзеяй на тое, што пыхлівых беларусаў прыцягнуць да адказнасці ці прынамсі ўсыплюць ім пару плецяў ва ўсяго свету на вачах. Але Чак ды кампанія апынуліся не крыважэрнымі і вырашылі проста пасмяяцца з беларусаў, бо што з нас узяць, акрамя аналізаў.

P.S. ЖЖ-юзер sterpazook паведаміў, што Youtube.com заблакаваў відэа “Тэарэтыкаў”, спасылаючыся на скаргу ад Warner Bros. Entertainment. 

* - насамрэч, Чаку трэба б субтытраў падагнаць, як тут просяць, бо клічуць нашых "герояў" не так...