topic!

Начытаўшыся пераможных рэляцый інфармацыйных агенцыяў пра валавы прырост буккросінгу ў РБ, мы вырашылі выехаць на месцы. 

З фоцікам у руках мы праехаліся па кропках, дзе, па афіцыйных звестках, ёсць паліцы буккросінгу, і глянуць, што яны прапануюць і што варта ўзяць “на пачытаць”.

БІБЛІЯТЭКА БНТУ

У першым месцы, куды мы патрапілі, нас чакаў сюрпрыз – вялізныя і пустыя паліцы пры ўваходзе ў бібліятэку БНТУ.

Затое можна прачытаць, што ж такое буккросінг – да адной з паліцаў прылепленая цэлая ламінаваная памятка.

Таму калі вы студэнт БНТУ – не забывайцеся чэкаць, можа, там нешта з’явіцца. Астатнім прапануем іншыя месцы пошуку бясплатнага чытва.

КЛУБ “ГРАФІЦІ”

Некаторыя называюць гэта “новай кніжнай палічкай буккросінгу”, але паліца ў любым выпадку больш падобная да стосу. Прычым калі мы спыталіся ў афіцыянткі пра буккросінг – яна пакруціць галавой і адказала, што “такога ў нас няма”. Але потым мы намякнулі, што гаворым пра кніжкі... 

Побач з кніжным стосам – яшчэ і часопісы. 

Выбар 34mag.net – што мы раім забуккросіць з кніжнай паліцы ў “Графіці”: 

Гэтую кнігу Дугласа Адамса варта чытаць, калі вы ўсё яшчэ не ведаеце, чаму google пры запыце «answer to life, the universe and everything» выдае адказ 42.

Магчыма, прачытаўшы менавіта гэтую кнігу, Дзмітрый Навіцкі з Менску стаў чэмпіёнам СНД па прэферансе ў 2009 годзе. Да слова, трэцяе месца таксама належыць беларусу.

Дзе яшчэ знойдзеш у адным месцы падрабязную інфу пра гурт “Нагуаль” і Якава Навуменку?

Для аматараў гадзінамі разглядаць мапы, а таксама для тых, хто прагульваў геаграфію. Каб не пыталіся пасля, дзе знаходзіцца Гаіці!

Пісаць правільна нас вучыць word, а размаўляць? 

Японская – не кітайская. Вывучыць прасцей, перспектываў таксама мора. І не трэба зайздросціць, калі да вашых сяброў прыязжае японка са школьнай формай ды кімано і расказвае пра калекцыю сваіх матаролераў.

Усе чыталі, але не ўсе перачытвалі. Дарэчы, у той дзень гэта была не апошняя наша сустрэча з вялікім марфіністам (гл. фота ніжэй). 

Дзякуючы Алегу Лойку, усе чытачы Савецкага Саюза ў 1989-м даведаліся, хто тут быў першы друкар на раёне. 

ЦЭНТРАЛЬНАЯ ДЗІЦЯЧАЯ БІБЛІЯТЭКА (пр-т газеты "Правда", 20)

Тут вам не давядзецца кантактаваць з працаўнікамі. Сталы з кнігамі і тлумачэннем, чаму яны так вольна ляжаць, - адразу пры ўваходзе. А выбар дастаткова багаты. Выбіраючы, можаце паразмяўляць з ветлівай гардэробшчыцай.

Выбар 34mag.net – што мы раім забуккросіць з дзіцячай бібліятэкі

Зусім не дзіцячае чытво, за якое вялікі французскі рэаліст атрымаў, дарэчы, Нобеля.

Не самая лепшая і не самая горшая з аповесцяў Мэтра, дакладную колькасць якіх дагэтуль ніхто так і не падлічыў.

Калі вы не чыталі, няхай хоць вашы дзеці даведаюцца, чым лепей за ўсё падціраць дупу і як мудра кіраваць краінай.

Скептычны да рэлігіі Вонэгут і “Царкоўнае слова”. Можна захапіць і тое і другое – параўнаеце дома.

І бонус. Бібліятэка знаходзіцца на трэцім паверсе, але ўсярэдзіце ёсць выхад на сапраўдны дах, дзе жыве Карлсан.