topic!

Чуецца сэрцам ды нэрвамі, апантаныя мікраблогеры шмат каго ўжо давялі да апошняй стадыі агідлівай нянавісьці. Замест кніжак у траліках ды ўборных чытаюцца твіты, замест узбураных званкоў сябрам пішуцца CapsLock’aвыя твіты, твіты ядуцца на абед, твітамі высіраюцца і твітамі ж падціраюцца. Але, як бы ты ні запырскваў інтэрнэт-гікаў сьлінай сваіх аргумэнтаў, у недалекай будучыні і табе прыйдзецца далучыцца да мікраблогерскай касты – інакш будзе нельга.

Усе ж такі неяк няёмка юзаць сэрвіс, які некалі таптаў нагамі… Дзякуй Інтэрнэту, ёсьць шмат альтэрнатываў ці, калі хочаш іх так назваць, “пратэстаў” Твітэру.

“Пагаўкацца” на яго можна ў макраблогу Woofer. Гэта фіча для, тых, хто ня ўмее пісаць мэсэджы карацей за 1400 сымбаляў. Паглядзеўшы на дызайн і функцыянал сайту, непазьбежна азадачышся пытаньнем: гэта што, Twitter? Адказ на яго вельмі канкрэтны і знаходзіцца тут .

Стваральнікі Woofer’а пайшлі шчэ далей, але гэтым разам у зусім іншым кірунку, і забацалі нанаблог-сэрвіс. Squeake  – прытулак адборных талентаў: ня кожны здолее ясна выразіцца праз 14 сымбаляў. Прычым, дакладна 14, ні больш, ні менш! У астатнім усё тое ж самае, уключаючы пытаньне і адказ.

Для тых, хто трафік ня лічыць або проста “вісіць” па інтэрнэт-відосах, ёсьць мікравідэаблогі.

Даволі пантовы сэрвіс 12seconds.tv канэкціцца з вашымі Facebook- і Twitter-акаўнтамі і дазваляе посьціць дванаццацісэкундныя ролікі, якія можна прагледзець у любой зь пералічаных сацыяльных сетак. Прычым запісваюцца яны праз флэш-плагін на старонцы, без усялякага софту альбо пры дапамозе мабілы. Сюды ж прыходзяць прызначаныя асабіста вам твіты, на якія можна адказаць і тэкстам, і відэа. 

Ёсьць і больш просты варыянт мікравідэаблога: 15s.viddler.com.  Ён менш наварочаны, затое здымаць тут можна на 3 сэкунды даўжэй.

Яшчэ адна вельмі прасунутая і карысная штука – blip.fm  – цікавы мікс аўдыёблогу і ўласнай радыёстанцыі. Тут можна адзначыць улюбёнае музло, сэрвіс сам яго знойдзе ў сеціве і зробіць даступным з тваёй старонкі. Лёгкі спосаб дзяліцца песьнямі ды кліпамі, а пры наяўнасьці бабла ды сумленьня - і купляць яго на Amazon і iTunes.

Кожны адзначаны трэк можна суправадзіць камэнтамі, якія будуць бачныя ва ўсіх папулярных сацыяльных мэдыях.